وقعت ف حب مخلوقة بتكرهنى
وناسية ان انا مخلوق
.. بأوصافها
ونسيانى
وجيبانى
حمار شايل معانيها
وبـاطويها
وأجر "الأرض" وحاكمها
واصيغ معانى عشقها كلمة
وأتجنن..
وامدّ شفايفى وأبوسها
واعاكسها .. الاقيها
سراب متخفى فـ جنونى
وجزراية قصاد عينى .. فماقفشى
وامشى تمشى ويايا .. فماكلشى
وتتغزل فـ أحزانى
وتقهرنى
ومرة احلم
و أعيش حكاوى الحلم متفسّر
فتيجى بعزم ما فيها وتكسّر
ومرة تموت..
فبفرح فيها
ومرة تجيب معاها تابوت
وتدفنى..
وتحرقنى
وتمسحنى بإستيكة
وتسمعنى بصرّخ فيها واتألم..
واستنظر..
تشيل من همى وعذابى
الاقيها
تجيب النار وتكوينى
وده ذنبى
...
بإنى عشقت بلاد ما بتقدر
أحمد الصباغ
No comments:
Post a Comment