رايحين إسماعيلية الجمعة ان شاء الله .. مين قال جاى ؟

موعدنا يوم الجمعة إن شاء الله
هنتقابل فى الاسماعيلية
يوم الجمعه 16 يناير 2009
الساعه 11 ظهرا
امام الباب الرئيسى للمستشفى الجامعى
عدد الجرحى فى الاسماعيلية 19 حالة
بعد ان توفيت شابه هذا الصباح
منهم سيدة تبلغ من العمر 58 عام
وشابة فى العناية المركزة عندها 17 سنة
والباقى رجال من سن 17 عام الى الاربيعنيات
ومازالت المستشفى تستقبل المزيد
محتاجين تبرعات مالية
وبعض الملابس

الاصدقاء اللى هيروحوا من القاهرة
هنروح سوا ان شاء الله
هنتقابل فى ميدان رمسيس يوم الجمعة الساعة 8:30 صباحاً
وهنركب أوتويس الاسماعيلية
من الترجمان بحوالى 9 جنيه
وفى مجموعة كبيرة من الناس أكدت مجيهم ان شاء الله
اللى ناوى ينضم لينا يكلمنى على الميل

شريف سيبو فى حالو
صديقى العزيز وزميلى السابق فى العمل والمدون
إللى انتقل للعمل فى الاسماعيلية من حوالى شهر
جاى ان شاء الله وهخليه يفرجنا على اسماعيلية
ومش بعيد يعزمنا على الغدا كمان :)

مش هننسى نتغدى مع بعض
إنشالله فول وطعمية
بس عشان يبقى عيش وملح وجرحى
وتبقى الايام دى فى أذهاننا الى الابد
شاهدة على هذا العصر

أشكركم

---------

صورة التدوينة من مدونة الراقص مع الذئاب وهى لتمثال النصر للفنان عبده هاشــم والتمثال صنع بشظايا دانات المدافع والدبابات
الإيفنت على الفيس بوك