إنقطاع الانترنت مرة تانية .. هى مصر لسه واخدة واصلة نت؟

الجمعة صباحاً .. وأنا "إتشمللت" وصحيت بدرى
بعد الفجر .. وقلت أدخل أشوف أخبار الدنيا
وعلى الساعة تسعة وراح النت دخل فى غيبوبة
وكانت السرعة بطيئة بشكل عجيب وده نادر لما بيحصل عندى
حيث إننى بعيد عنكم وعن السامعين مشترك لوحدى
وبعدين النت قطع تماماً
وإتصلت بشركة تى داتا
ردت عليا بنت حلوة كدة فى رسالة مسجلة بتقول
عملينا العزيز .. نأسف لوجود مشكلة عامة قد تؤثر على الخدمة وتعمل الشركة على إصلاح العطل فى أقرب وقت
وإفتكرت فى الأول ان العطل خاص بـ تى داتا
لكن بعد شوية إتصل بيا نضال وعرفت ان المشكلة فى مصر كلها

هو ده بقى عيب إن الدول تاخد وصلات من قارات تانية

ومن الأفضل إن مصر تشترك لوحدها باردك

زى ما انا عامل

:)