كل سنة وانتى طيبة يا فرووووتا واسف اوى انى نسيت العيد ميلاد
--------------------------------------------------------
فروووووتا كلمتنى انهاردة وبستفتنى انى نسيت تاريخ العيد ميلاد طبعا هى متعرفش انى بنسى عيد ميلادى كل سنة والبنى ادمين اللى حوليا هما اللى بيفكرونى ، وبصراحة فرووووتا قامت معايا بالواجب السنة اللى فاتت فى عيد ميلادى حيث انها ارسلت لى اس ام اس بالشئ الفولانى يعنى خيرها مغرقنى ، رغم انى بنبه عليها دايما مفيش داعى للتكلفة والمصاريف ، والاولى انها تحط الفلوس دى فى سويسرا او تتبرع بيهم للناس الغلابة (اللى زيى كدة ) بس مش فى صورة اس ام اس ولكن فى صورة سندوتشات او اى حاجة تتاكل
عموما بما ان فروووتا هتاخد الاجازة ، يبقى لازم تشارك معايا فى المدونة دى ( يعنى تدفع خمسة جنية كدة وتاخد مترين من المدونة ) لانها طبعا فوق انها شاعرة ، كمان فنانة وحسها الفنى هيضيف كتير ، كمان لانى بفكر اتاجر فى المدونات ، يعنى اعمل كشك مدونات صغير كدة او اقف بمدونات فى ميدان الجيزة .. افرش مدونات واقف عليها أسقف وازعق واقول .. معاياااا المدونااااااات ... حمرا وسليمة يا مدونااااات... عالسكين يا مدونة .... المدوناااات السياسية ... الفنية ... الدينية .. مدوناااااات
كمان لو فروووتا مش هتحب تشاركنى فى المدونة عشان موضوع الخمسة جنية .. يبقى نعمل لها مدونة عشان لازم الحاجات الجميلة دى توصل للناسسس
ومنتظرك يا فرووووتا
أحمد
No comments:
Post a Comment